Košarkaši Los Anđeles Lejkersa zabilježili su novi poraz, već 21. ove sezone. U 35. meču sezone od Lejkersa su bolji bili Majami Hiti rezultatom 112:98.

Lejkersima nije pomogao ni Lebron Džejms (LeBron James) kojem je umalo izmakao dabl-dabl učinak. Prva zvijezda franšize iz Kalifornije ubacila je 27 poena, a imala je i devet skokova i šest asistencija. 

Kod Majamija raspoloženi su bili Džimi Batler (Jimmy Buttler) i Bam Adebajo (Adebayo) sa po 27 poena. Kod Lejkersa su nešto raspoloženiji od ostalih bili Rasel Vestbruk (Russell Westbrook) i Denis Šroder (Dennis Schroder) sa po 15 ubačaja.

Nakon novog poraza Lejkersi su 13. tim Zapadne konferencije, dok je Majami sedmoplasirana ekipa na Istoku sa 18 pobjeda i 17 poraza.

Inače, Lebronu Džejmsu je ovo bila 1.393 utakmica u regularnoj sezoni, te je tako skočio na 10. mjesto vječne liste po broju nastupa u najjačoj košarkaškoj ligi. Prestigao je Tima Dankana (Duncan) koji je stao na 1.392 meča.