Atalanta je ispala od Klub Briža u plej-ofu Lige prvaka nakon što su šokantno poraženi na domaćem terenu rezultatom 1:3 (ukupan rezultat 2:5). 

Već do poluvremena su gosti imali prednost od tri gola, a na početku drugog dijela Ademola Lukman (Lookman) je zamijenio Marija Pašalića i prvim dodirom s loptom nakon 35 sekundi u igri smanjio zaostatak. 

Ekipa iz Bergama je imala veliku priliku da se još više vrati u meč pošto je Huan Kvadrado (Juan Cuadrado) izborio penal. 

Lukman je preuzeo odgovornost, ali je veoma loše šutirao i golman Minjole (Mignolet) mu je lako odbrani. 

Nakon utakmice, Đan Pjero Gasperini (Gian Piero) otkrio je koliko je ljut na Lukmana.

- Nije smio izvesti penal. On je jedan do najgorih izvođača penala koje sam vidio. Uzeo je loptu jer je nakon gola osjećao entuzijazam, ali on ima jako nizak postotak uspješnosti s penala, čak ih i na treninzima često promašuje. Išao je pucati iako su na terenu bili izvođači penala De Ketelare i Retegi. Nimalo mi se ne sviđa što je Lukman napravio - kazao je Gasperini nakon meča.