Čečenski lider Ramzan Kadirov (Kadyrov) najavio je danas da će svoja tri maloljetna sina uskoro poslati u Ukrajinu da se bore rame uz rame sa ruskim vojnicima, prenosi BBC.

On je na društvenim mrežama napisao kako bi "otac trebalo da nauči svoje sinove da čuvaju porodicu, narod i otadžbinu". Na Telegramu je napisao da je vojna obuka njegovih sinova počela još kad su bili mlađi i da je vrijeme da dožive pravu bitku.

Uz tu objavio postavio je i snimak na kojem njegovi sinovi Ahmat (16), Eli (15) i Adam (14) pucaju na poligonu iz raznih vrsta naoružanja. 

BBC je podsjetio da je Rusija potpisnica sporazuma UN-a koji ima za cilj da spriječi da djeca mlađa od 18 godina direktno učestvuju u ratu.